my Club, Chennai, India, 2012da14, 15.2.2013 Earth Attack

Mercury Transit  Monday 9th May 2016, Chennai, Tambaram Astronomy Club, India

Old Events
Venus Transit 2012
Penumbral Lunar Eclipse 28.11.2012

வானியல் நாள் - சிறப்பு பேட்டி 28.4.2014
புதுயுகம் தொலைக்காட்சி - இனியவை இன்று

 

Saturn at opposition and Closest approach to earth 10.5.2014
சனி கோள் எதிர் நிலை (சூரியன் பூமி சனி நேர்கோட்டில்)மற்றும் புவி அன்மைநிலை

Saturn at opposition and close10.5.2014, சனி கோள் எதிர் நிலை (சூரியன் பூமி சனி நேர்கோட்டில்)மற்றும் புவி அன்மைநிலை

சனி கோள் எதிர்நிலை மற்றும் புவி அன்மை நிலை

10.5.2014 அன்று சூரியன், பூமி, சனி ஆகிய மூன்றும் தீர்காம்ஸ அடிப்படையில் வானில் நேர்கோட்டில் வருகிறது இதை சனி “எதிர்நிலை” (Opposition) என்கிறோம்
           
        வருடம் தோறும் வானில் இத்தகைய நிகழ்வு ஏற்படினும் 10.5.2014 அன்று நிகழும் எதிர்நிலை மிகஅரிய ஒன்றாகும்.

        சூரியனை கோள்கள் நீள்வட்ட பாதையில் சுற்றும் பொழுது சூரிய மையத்தில் இருந்து தொலைவு நிலை(aphelion) மற்றும் அன்மை நிலை (perihelion)ஏற்படும். அன்மை நிலையில் கிரகங்கள் தோற்றத்தில் சற்று பெரியதாகவும், ஒளி கூடியும் இருக்கும். தொலைவு நிலையில் சிறியதாக தோன்றும்

        10.5.2014 அன்று பூமிக்கு எதிர்நிலையில் மற்றும் அன்மை நிலையிலும் (8.8997 வானியல் அலகு தொலைவில்) சனி கோள் வருவதால் சனி கோள் வழக்கத்தை காட்டிலும் பெரியதாக 18".6 கோண அளவில்(angular diameter) தோன்றும், மேலும் சனியின் அழகிய வளையங்கள் 42".3 கோண அளவு விட்டமும்  +21°.7 பாகை சாய்வு (Tilt)நிலையிலும் இருக்கும். சனி வானில் +0.2 தோற்ற ஒளி (apparent magnitude) அலகில் ஒளிரும். புவிமட்ட தோற்ற சாய்வு நிலை (Declination) -15°.3

        எதிர் நிலை என்பது முழுநிலவு(பௌர்னமி -Full Moon) போன்று “முழுசனி” எனகொள்ள வேண்டும்.

        இதனை மாதம் முழுவதும் வெறும் கண்களாலும், தொலைநோக்கி மூலம் தெளிவாகவும் கண்டு ரசிக்கலாம்.

        மீண்டும் இத்தகைய அரிய நிகழ்வை காண 14.8.2022 வரை காத்திருக்க வேண்டும்.

குறிப்பு: ஒரு வானியல் அலகு(Astronomical Unit, AU) என்பது  149,597,870 கி.மி தொலைவாகும் (பூமிக்கும் சூரியனுக்கும் இடைப்பட்ட தொலைவின் சராசரி அளவு)

மிக அரியதான குறை கோண சூரிய கிரகணம் 29.4.2014

Non Central Annular Solar Eclipse 29th april 2014 tuesday, குறை சூரிய கிரகணம், கிரைண தோஷம், பரிகாரம், சந்திர கிரகணம்

29.4.2014 செவ்வாய் கிழமை இந்திய நேரப்படி காலை 9:22 மணி முதல் பகல் 1:44 மணி வரை சந்திர கீழ்நோக்கு நிலை(கேது - Descending Node) கிரகணம் சம்பவிக்கும். ஆஸ்திரேலியா மற்றும் தென்துருவப்பகுதியில் மட்டும் தெரியும் இந்த கிரகணம் இந்தியாவில் தெரியாது.
            தென்துருவப்பகுதியில் நிகழும் “மைய நிழல் விலகல்” சூரிய கிரகணம்  5000 ஆண்டுகளுக்கு 68 முறை மட்டுமே நிகழும்.
            நுனிப்புல் மேய்வது போன்று சந்திரனின் இரண்டாம் நிலை நிஜநிழல் (Antumbra) துருவப்பகுதி வெளியில் (ஆகாயத்தில்) விழும். சந்திரனின் புறநிழல் (Penumbra) தோற்றத்தால் பூமியின் சிலபகுதிகளில் சூரியன் ஒளி வட்டமாகவும், சில பகுதிகளில் பகுதி வெளி வட்டமாகவும் (Partial Annular Solar Eclipse) இந்த கிரகணம் தோன்றும். இது கிரகண வரிசையில் (Saros) 148வது எண்ணாகும்.
            தொலைவு நிலையில் (Apogee) சந்திரன் விட்டம் சிறியதாகவும், சூரியனின் விட்டத்தைவிட குறைந்தும் இருப்பதால் குறைகோண சூரிய கிரகணம் ஏற்படுகிறது.

தென்துருவப்பகுதியில் முகாமிட்டுள்ள இந்திய அரசின் அறிவியல் துறைகீழ் இயங்கும் கடல் மற்றும் துருவப்பகுதி ஆய்வுநிலையம் (NCAOR) மைத்ரி மற்றும் பாரதி இந்த கிரகணத்தை கண்காணித்து ஆய்வுச்செய்யும் அரிய வாய்ப்பை பெற்றுள்ளது http://www.ncaor.gov.in/antarcticas

இந்த பிரபஞ்சத்தில் கிழக்கு என்றும் மேற்கு என்றும் எதுவும் இல்லை. There's no direction in the Universe


இஸ்ரோ & நாஸாவின் அமாவாசை முடிவு நேரமும் பிழையான வாக்கிய பஞ்சாங்க அமாவாசை முடிவு நேரமும்

சந்திரனின் ஓளியும் திதி கணிதமும்

நேரம் எனும் அலகு (வார்த்தை) இந்த பிரபஞ்சம் தோன்றும் வரை இல்லை!

உண்மையான பொங்கல் திருநாள், மகர சங்கராந்தி, உத்திராயணம்

2014 Eclipse
2014ம் ஆண்டு கிரகணங்கள்

இந்த ஆண்டு இரண்டு முழுசந்திர கிரகணங்கள், ஒரு குறை சூரிய கிரகணம், ஒரு பகுதி சூரிய கிரகணம் என நான்கு கிரகணங்கள் நிகழும்

தமிழகத்தை பொருத்த மட்டில் 8.10.2014 அன்று நிகழும் முழு சந்திரகிரகணம் (Total Lunar Eclipse) மட்டும் சென்னையில் தெரியும். மற்ற மூன்று கிரகணங்கள் தெரியாது

8.10.2014 அன்று பகலில் சூரியன் இருக்கும் பொழுது இந்திய நேரப்படி பகல் 1:42 மணிக்கு புறநிழல் கிரகணம் துவங்கி, பகல் 2:44 மணி அளவில் நிஜநிழல் கிரகணமாக பிரவேஸிக்கிறது, . கிரகணம் உச்சகட்டமாக மாலை 4:25க்கு அடைகிறது.

பகலில் நிகழும் சந்திரகிரகணம் தெரியாது அஸ்மனத்தில் மட்டுமே இது தெரியும். அன்று சென்னையில் சூரிய அஸ்தமனத்திற்கு பின்னர் சுமார் 10 நிமிடங்கள் மட்டுமே அதாகில் மாலை 6:04 வரை மட்டுமே நிஜ நிழல் கிரகணம் தெரியும், பின்னர் புறநிழல் (Penumbral) கிரகணம் இரவு 7:05 வரை தெரியும் (சுமார் 1 மணி 11 நிமிடங்கள்)

சூரியமறைவின் பொழுது அடிவானில் மேகமூட்டம், வளிமண்டல ஒளிச்சிதைவு, ஈரப்பதன் காரணமாக நிஜகிரஹணத்தினை காண்பது அரிதாகும், ஆயினும் புறநிழல் கிரகணத்தை காணலாம் (சந்திரனின் ஒளி சற்று மங்கலாக இருக்கும்). இதை வெறும் கண்களால் கிழக்கு திசையில் காணலாம்.

2014_Lunar_solar_eclipse_chennai_tambaram மேலும் விபரங்களுக்கு நாஸா இணையதளத்தின் கீழ்கண்ட பக்கங்களை காணவும்

http://eclipse.gsfc.nasa.gov/OH/OH2014.html

. - .
புறநிழல் சந்திர கிரகணம் 19.10.2013
Penubral Lunar Eclipse 19.10.2013

வீடியோ http://youtu.be/GFfb0nZf1_M

இன்று  அதிகாலை சுமார் 3:18 மணி முதல் பூமியின் புறநிழல் சந்திரன் மீது பட்டதால் நிலவின் ஒளி மங்கத்துவங்கியது  உச்சகட்டமாக காலை 5:20 மணி அளவில் சந்திரன் தனது வழக்கமான பௌர்னமி நிலவின் பொலிவை இழந்து காணப்பட்டது பின்னர் சந்திரனின் ஒளிமங்கல் குறைய துவங்கியது அதேவேளையில் சூரிய உதயத்தால் வானம் பிரகாசமடைய சந்திரனுன் மெல்ல மறையத்துவங்கியது.
இந்த நிகழ்வை தாம்பரம் வானியல் கழகத்தின் பாலு. சரவணன் மற்றும் சண்முகம் நிழற்படமாக பதிவு செய்தார்கள். நிகழ்ச்சியின் இடையே மேல்தட்டு மேகம் கடந்ததால் சில படங்கள் சரிவர அமையவில்லை. ஆயினும் தெரிவு செய்த படங்களை இதனுடன் இணைத்துள்ளோம்.
Photography: Shanmugan Saravanan, Camara: Canon  550 D,
Telescope : Skywatcher MAK90 EQ1

IMG_5186_M

IMG_5145_M

Sun Ring (22°Holo Efect) 8.3.2013 Chennai - Tambaram
சூரிய ஒளிவட்டம்- சென்னை தாம்பரம்

சென்னை புறநகர் பகுதியான தாம்பரம் பகுதியில் இன்று(8.3.2013) காலை வானத்தில் சூரியனை சுற்றி அழகான ஒளிவட்டம் தெரிந்தது.

        பலவண்ணங்களுடன் கூடிய ஒளிவட்டம் நன்பகல் முன்னதாக மறைய ஆரம்பித்தது

        பூமியின் வளிமண்டல அடுக்கில் இருக்கும் சிறு பணித்துளிகளின் வழியாக சூரியஒளி விலக்கம் (Refraction) ஏற்ப்பட்டு ஒளிவட்டமாக தெரியும்.
       
        இதை அறிவியலில் “22பாகை ஹாலோ” (22° Halo)விளைவு என கூறுவார்கள்.

        இந்த நிகழ்வு இயற்கையான ஒன்று. இதனைக்கண்டு அச்சம் அடைய தேவையில்லை

தாம்பரம் வானவியல் உறுப்பினர் திரு. ரோனி அவர்கள் எடுத்த படம்

Sun_ring_8mar2013-1130 

 

புவியை நோக்கி வரும் விண்கல் 15.2.2013 இரவு

2012DA14 Asteroid விண்கல், சிறுகோள்

15.2.2013 இரவு மற்றும் 16.2.2013 அதிகாலை

புவிக்கு மிக அருகில் பயனித்து புவியின் ஈர்ப்புவிசையால் உட்பட்டு பூமியை தாக்கும் வகையிலான வின்கல், வின்எறிகல், வால்நட்சத்திரம் ஆகியன அன்மை புவி பொருட்கள் (Near-Earth object - NEO) என அழைக்கப்படுகிறது

  • புவி அன்மை எரிகல் Near-Earth meteoroids (சுமார் 50 மீட்டர் விட்டத்திற்கு குறைவானது)
  • புவி அன்மை வின்கல் Near-Earth asteroids (சுமார் 50 மீட்டர் முதல் 32 கி.மி விட்டம் உடையவை)
  • புவி அன்மை வால் நட்சத்திரம் Near-Earth comets (மீநீள்வட்டத்தில் சூரியனை சுற்றும்)

அந்த வகையில் 2012 DA14 வின்கல்லாக (NEA) வகைப்படுத்தப்பட்டுள்ளது.

கண்டுபிடிப்பு

இது 23.2.2012ம் நாள் ஸ்பெயின் உள்ள வான்வெளி கண்காணிப்பு மையம்(OAM Observatory, La Sagra in Spain) மூலமாக கண்டுபிடிக்கப்பட்டது

தோற்ற அளவு, கால அளவு

சுமார் 45மீட்டருக்கு(150 அடி) மேல் விட்டம் கொண்ட இது பூமியை போன்ற காலஅளவுடன்(366.2நாட்கள்) சூரியனை சுற்றி வருகிறது. இன்றளவும் இதனை தெளிவாக புகைப்படம் எடுக்க இயலவில்லை.

புவிக்கு மிகஅன்மையில் 15.2.2013
                       
            இந்த 2012DA14 என்கிற வின்கல் (Asteroid) பூமிக்கு மிகமிக அருகில் (புவிமையத்தில் இருந்து) 22,0000 கி.மி தொலைவில் பூமிக்கும் சந்திரனுக்கும் இடையில், புவி இணை வட்டம் (Geosynchronous orbit) கீழ் ( பூமியை சுற்றி மணிதனால் ஏவப்பட்ட செயற்கை கோள்கள் சுற்றும் பாதைக்கும் கீழ்)  15.2.2013 இரவு 12:56 (16.2.2013 - 00:56) மணி அளவில் மிகஅதிக திசைவேகத்துடன் பயணிக்கிறது.

புவிக்கு ஆபத்து

இந்த வின்கல் பூமியின் மீது மோதும் வாய்ப்பு தற்பொழுது இல்லை. எதிர்காலத்தில் 2026 மற்றும் 2069ல் அருகில் வரும் பொழுதும் மிக குறைவான வாய்ப்பே உள்ளது. ஆயினும் இன்னும் சில ஆயிரம் ஆண்டுகளில் இது பூமியின் மீது என்றேனும் ஒருநாள் மோதும் வாய்ப்பை மறுக்க இயலாது.

கிரஹணம்

            மேற்படி15.2.2013 அன்று இந்த வின்கல் மீது பூமியின் நிழல் பட்டு 18 நிமிடங்கள் மறைவு (கிரஹணம்) ஏற்படும் (சந்திரகிரஹணம் போன்று).

கண்களுக்கு தோற்றம்

மிகவும் சிறியதாகவும் 22 தோற்றபொலிவு (Absolute visual magnitude)அலகில் உள்ளதால் சாதாரணமாக காண இயலாது மிகவும் சிரமப்பட்டு தொலைநோக்கியில் அல்லது ரேடார் மூலம் மட்டும் காணமுடியும்.
15.2.2013 அன்று பூமிக்கு மிக அருகில் வருவதால் சுமார் 7 அலகு அளவில் தெரியும் எனவே இதை ஓரளவு சாதாரண தொலைநோக்கியில் காண இயலும்
வளிமண்டல ஒளிவிலகல், வளிமண்டல ஈரப்பதம், மேகமூட்டம் காரணமாக காண்பது சிலநேரத்தில் கடினமாக இருக்கும்

கண்காணிப்பு

இந்த விண்கல் புவியை நெருங்குவதை உலகம் முழுவதும் வானவியலாளர்கள் காணவும், கண்காணிக்க வும் மிகவும் ஆவலோடு காத்திருக்கிறார்கள். இந்தியாவிற்கு கிடைத்த பாக்கியம் இதை இரவில் காண இயலும் என்பதுதான்

இந்த அறிய நிகழ்வை காண்பதற்காக எனது தொலைநோக்கியும், என் இரு கண்களும் விண்ணை நோக்கி காத்திருக்கும்.

இந்த மடலை அச்சு எடுக்க அல்லது சேமிக்க(PDF)

Tambaram Astronomy Club
No:9, 4th Street, Kalyan Nagar, Tambaram, Chennai 600 045, India, http://www.prohithar.com +91 9840369677

2012da14 Asteroid 2013 Feb 15, Chennai, Tambaram Astronomy Club, India, வின்கல், சிறுகோள் பூமி அருகில் பயனம்